අතිතය සිහිනයක් පමණයි…

අද ටිකක් විතර නිදහසක් තිබුන නිසා ගේ අස් කරන්න ගත්තා. කෙහොම හරි අස්සකත තිබිලා පරණ ෆොටෝ වගයක් හම්බ උනා. ඒවා මම උසස් පෙල කරන කාලේ ගත්ත ඒවා වගයක්. මොනවා උනත් කාගේත් ජිවිත වල ගෙවාපු හොදම කාලය තමයි මේ නව යොවුන් අවධිය. මගේ ජිවිතේ මේ කාලය ගොඩක් ලස්සන සිදුවීම් දුක හිතෙන සිදුවිම් අනාගතවයට පාර කපන සිදුවීම් මේ හැම දෙයක්ම අත්විදින්න උනා. ඒ වාගේම කරපු ගොන් කම් සමහර ඒවා අද වෙනකම් ගෙවා ගන්න බැරිවත් ඉන්නවා. මොනවා උනත් මිනිස්සුන්ටනේ මේ හැම දෙයක්ම වෙන්නේ කියලා අද අනාගතයට මුණ දෙනාවා.

උසස් පෙල කරන්න මං තෝරගත්තේ මගේ පරණ ඉස්කෝලෙමයි. මේ කාලේ තමයි මං බයික් එකක් ගත්තේ. ගොඩක් වෙලාවට කරේ යාලුවෙක් දාගෙන කොහේහරි රවුමක් ගහපු එක තමයි. මොනවා උනත් මට පුලුවන් විදිහට අනිත් උන්ටත් ගොඩක් උදවු කරා. මොනවා උනත් මගේ ජිවිතේ හොද කාලයක් ඒ කාලේ. මේ කාලේදි කොල්ලෝ එක්ක සෙට් වෙලා අම්බානක ෆන් අරන් තියෙනවා. ඒ කාලේ අරක්කු කෙල්ලෝ හැම දෙයක්ම හම්බ වෙලා තියෙනවා. ඒ අත්දැකීම් නරක වුනත් ඒවායින් අද වෙනකොට ගොඩක් අත්දැකිම් බහුල කෙනෙක් වෙන්න පුලුවන් වෙලා තියෙනවා. එයින් මෙයින් උසස් පෙලත් පාස් කරගෙන ( අනිත් උන් වාගේ දොස්තරලා වෙන්න නම් බැරි උනා ) රස්සාවක් කරන්න පටන් ගත්තා

සමහර සිද්ධීන් මතක් කරන්නත් ගොඩක් දුකයි. මගේ හොදම යාලුවා වෙලා ඉදපු චරියා නැති උනෙත් මේ කාලයේදීම තමයි. අදටත් චරියා වෙනුවෙන් මට ගොඩක් දුකක් දැනෙනවා. ඒ මතනය අද වෙන කම් නම් අමතක වෙන්නේ නැ. කෙල්ලෙක්ට කියලා සිරා ලව් එකක් කරන්න පටන් ගත්තේ මේ කාලේදී තමයි. ඒත් කෙල්ලක් එක්ක ජිවත් වෙන්නේ කොහොමද කියලා දැනුමක් නැති හින්දාද මන්දා ඒ ලවු එක අවුරුදු ගානක් ඇදි ඇදි තිබිලා ඉවර උනා. අද ඒ කෙල්ල බැදලා.

ජිවිතේ අලුතින් පටන් ගත්තා. උපාධියක් කරා. ඒ කාලේම තව ගොඩක් කෝස් කරා. කොහොම හරි ඉතිං අවසානයේ අද වෙනකොට හොද තැනක ඉන්නවා. තාමත් ආර්ථිකය එච්චරම හොද නැ. පරණ ණය ගෙවනවා තාම. ඉක්මනටම මේවා ඉවර වෙයි…

බලාපොරොත්තුවක් එක්ක ජිවිතේ ගෙවනවා…..එච්චර…..

Advertisements